Il-Federazzjoni Maltija Lotta flimkien ma’ Arriva Malta nedew l-Arriva Malta International Freestyle Wrestling Tournament, avveniment li wara nuqqas ta’ seba’ snin se jġib lura f’Malta l-eċitament u l-opportunitajiet marbutin ma’ turnament internazzjonali tal-lotta. L-Arriva Malta International Freestyle Wrestling Tournament se jsir nhar il-Ħamis 8 ta’ Diċembru fl-Iskola Sekondarja tas-Subien fin-Naxxar, u se jara lir-wrestlers lokali jikkompetu ma’ kontinġenti Ingliżi u minn Wales. L-Arriva Malta International Freestyle Wrestling Tournament kien mgħamudija tan-nar għal dawk ġodda f’din id-dixxiplina, kif ukoll opportunità għal xi veterani biex jerġgħu lura għal dan l-isport.